الموضوع دا أول حاجة تتنشر باسمى على بلوج, طبعا واضح انه مش بتاعى :D
هو موضوع لبهاء جاهين وكان عاجبنى أوى و نشرهولى أحمد بدوى فى البلوج القديم بتاعه قبل ما يبقى ليا بلوج
أنا قلت ألم الحاجات اللى نازلة باسمى فى السوق قصدى عالنت وأحطها هنا
أنا نقلته زى ما هو بس غيرت الألوان بس
عايزة اوريكوا حاجه كتبها الجميل بهاء جاهين اتنشرت فى الأهرام لما كان بينزل ملحق اسمه "أيامنا الحلوة"
ازاى الصحة؟
ماأقدرش أرد عليك الا باذن من وزارة الصحة
ايه الأخبار؟
حاقرا الجرايد وأقولك
الساعة كام؟
دى مسئولية يا عم ... مش يمكن ساعتى مقدمة ثانية
أنت مجنون؟
اسأل القومسيون الطبى
طيب ياعم ؛ سلام
ما أقدرش أقول وعليكم ... افرض مفيش أصلا سلام
طب اقعد بالعافية
ماحدش يقدر يقعدنى بالعافية الا المدام والحكومة
لا حول ولا قوة الا بالله
احنا فى ميتم هنا؟
غور من وشى !
رجليا متثبتة فى الأرض بأمر من مصلحة المساحة والجاذبية الأرضية
يبقى أنا اللى حغور
ماتقدرش ...
انت مجرد صورة فى مراية
3 comments:
على فكرة أنا مبسووووووووووط جدا من التوبيك ده أكتر من أى توبيك تانى
لأنه اول موضوع ليكى و لأنه اثبات أن مش كل الحاجات اللى بعملها بتروح على الفاضى ....... ده غير أنه أصلا توبيك جميل و اختياره و الصورة اللى فيه كله رائع
أولا ميرسى انك نشرتهولى عندك زمان,ثانيا مين قاللك بقى ان اللى انتا بتعمله بيروح عالفاضى؟!! لأ أبدا والدليل الناس اللى عندك عالحروب دلوقتى :)
عالجروب مش عالحروب Sorry :D
Post a Comment